FILTERS:
SORT BY:
Clear All
എല്ലാവർക്കും വിവരങ്ങൾ ലഭ്യമാകുന്ന ഈ ലോകത്ത്, വിദ്യാഭ്യാസം പ്രചോദനം നൽകുന്നതാവണം, വെറുതെ വിവരങ്ങൾ ശേഖരിച്ചുകൂട്ടുന്നതാകരുത്.
നിങ്ങൾക്കുള്ളിൽ നിരന്തരം പ്രവർത്തിച്ചുകൊണ്ടിരിക്കുന്ന രണ്ട് അടിസ്ഥാന ശക്തികൾ ഉണ്ട്: സ്വയം സംരക്ഷണത്തിന്റെയും വികസിക്കാനുള്ള അഭിലാഷത്തിന്റെയും ശക്തികൾ. നിങ്ങൾ സ്വയം സംരക്ഷണത്തിനായുള്ള ഉൾപ്രേരണയെ മറികടന്നാൽ, നിങ്ങളുടെ ശരീരത്തിലെ എല്ലാ കോശങ്ങളും ശാന്തതയിലാകും.
നിങ്ങൾ ഊർജ്ജസ്വലതയും, മനസ്സിന്റെ നവോന്മേഷവും, സ്നേഹനിർഭരമായ ഒരു ഹൃദയവും നിലനിർത്തുകയാണെങ്കിൽ, എല്ലാ ദിവസവും ഒരു പുതിയ സാഹസികതയാണ്.
നിങ്ങൾ യുക്തിയുടെ അടിമയാകുമ്പോൾ, ജീവിതത്തിന്റെ മാസ്മരികത നിങ്ങൾക്ക് നഷ്ടമാകുന്നു. യുക്തിയുടെ ചട്ടക്കൂടുകൾക്കപ്പുറം, മനുഷ്യരെ അവരുടെ അസ്തിത്വത്തിന്റെ യഥാർത്ഥ മാസ്മരികതയിലേക്ക് നയിക്കുന്നതിനു വേണ്ടിയാണ് എൻറെ പ്രവൃത്തി.
ജീവിതത്തേക്കാൾ വലിയൊരു ലക്ഷ്യമില്ല.
ക്രോധം, വിദ്വേഷം, പക എന്നിവയിൽ നിന്നും വിമുക്തമാകുമ്പോൾ, നിങ്ങൾ സ്പർശിക്കുന്നതിനെയെല്ലാം, നിങ്ങൾ സ്നേഹപൂർവ്വം സ്പർശിക്കുന്നു.
സാഹചര്യങ്ങൾ നിങ്ങളെ രൂപപ്പെടുത്തുന്നതല്ല, മറിച്ച് സാഹചര്യങ്ങളെ നിങ്ങൾ രൂപപ്പെടുത്തുന്നതാണ് വിജയം.
ജീവിതം നിങ്ങൾ എന്ത് ചെയ്യുന്നു എന്നതിലല്ല, മറിച്ച് അത് എങ്ങനെ ചെയ്യുന്നു എന്നതിലാണ്.
നിങ്ങളുടെ നാളെ എങ്ങനെയായിരിക്കും എന്നത്, ഇന്നത്തെ നിങ്ങളുടെ ചിന്തകളെയും ഇന്ന് നിങ്ങൾ ജീവിതത്തെ എങ്ങനെ അനുഭവിക്കുന്നു, ഗ്രഹിക്കുന്നു എന്നതിനെയും ആശ്രയിച്ചിരിക്കുന്നു.
എങ്ങനെ സ്വീകരിക്കണമെന്ന് അറിയുന്നവർക്ക് ജീവിതം ഉദാരമാണ്. അത് പരമാവധി പ്രയോജനപ്പെടുത്താൻ കഴിയുന്നവർക്ക് നിർവൃതി ലഭിക്കുന്നു. നിർവൃതിയുടെ ഈ പൗർണ്ണമി നാളിൽ, ജീവിതത്തിന്റെ ഈ ഉദാരത സ്വീകരിക്കാൻ നിങ്ങൾക്ക് കഴിയട്ടെ.
നാളെ എന്നത് ഒരിക്കലും വരില്ല. അതാണ് ജീവിതത്തിന്റെ സൗന്ദര്യം: നിങ്ങൾ ഇന്നത്തെ ദിവസത്തെ കൈകാര്യം ചെയ്യാൻ മാത്രം പഠിച്ചാൽ മതി. ഒരു സമയത്ത് ഒരു ദിവസവും, ഒരു നിമിഷവും മാത്രം.
ഒരു ശക്തമായ രാഷ്ട്രം കെട്ടിപ്പടുക്കാൻ വ്യക്തമായ കാഴ്ചപ്പാടും പ്രതിബദ്ധതയും ശരിയായ നടപടികൾ സ്വീകരിക്കാനുള്ള ധൈര്യവും നമുക്കുണ്ടാകണം. ഭാരതം ലോകത്തിലെ ഏറ്റവും ഊർജ്ജസ്വലമായ രാഷ്ട്രമായി വളരണമെങ്കിൽ നമ്മൾ ഓരോരുത്തരുടെയും പങ്കാളിത്തം ആവശ്യമാണ്.